CUTS

ភោជនីយដ្ឋាន CUTS

ជាប់ចំណាត់ថ្នាក់ជា “ភោជនីយដ្ឋានសាច់អាំងល្អជាងគេនៅប្រទេសកម្ពុជា” នៅក្នុងទស្សនាវដ្តី Travel + Leisure Southeast Asia និង ជាប់ចំណាត់ថ្នាក់ ភោជនីយដ្ឋានល្អបំផុតមួយក្នុងចំណោមភោជនីយដ្ឋានល្អបំផុតទាំង៥០ នៅលើពិភពលោក” ដោយ WORLD'S BEST 50

ភោជនីយដ្ឋាននេះមានចំណុចពិសេសចំនួនបួនគឺ កន្លែងទទួលទានអាហារប្រកបដោយផាសុកភាព បន្ទប់សម្រាប់អាំងសាច់ បន្ទប់ទទួលទានអាហារលក្ខណៈឯកជន និងបន្ទប់ស្រា។ ភោជនីយដ្ឋាន Cuts ជាហាងដែលផ្តោតសំខាន់ទៅលើសាច់ដែលមានគុណភាពខ្ពស់ និងមានស្រាជាច្រើនប្រភេទដោយក្នុងនោះមានស្រាជាង ៣,000 ដប និងចំនួន ២៧៩ ប្រភេទ។

កូដសម្លៀកបំពាក់៖ សម្លៀកបំពាក់សាមញ្ញសមរម្យ ឬ Smart Casual

Rosewood Phnom Penh Hotel Cuts Steak and Seafood Grill Restaurant

ការផ្តល់ជូនពិសេសនៅថ្ងៃព្រហស្បតិ៍

ស្រាក្រឡុកម៉ាទីនីក្លែមជាមួយប៊ឺហ្គឺចំណិតសាច់គោតូចៗ

ជាប់ចំណាត់ថ្នាក់ជា “ភោជនីយដ្ឋានល្អជាងគេនៅប្រទេសកម្ពុជា” នៅក្នុងទស្សនាវដ្តី Travel + Leisure Southeast Asia

ការទទួលអាហារពេលល្ងាចនៅខាងក្រៅកាន់តែមានឱជារសនៅភោជនីយដ្ឋាន Cuts ។ លោកអ្នកអាចរីករាយជាមួយនឹងស្រាក្រឡុកម៉ាទីនី និងក្លែមជាមួយនឹងប៊ឺហ្គឺចំណិតសាច់គោតូចៗពិសេស (Black Angus Beef) នៅ Crudo Bar នៅរៀងរាល់ល្ងាចថ្ងៃព្រហស្បតិ៍ ។

លោកអ្នកនឹងទទួលបានប៊ឺហ្គឺចំណិតសាច់គោតូចៗនៅពេលដែលលោកអ្នកកុម៉្មង់ស្រាក្រឡុកម៉ាទីនីចំនួន ២កែវនៅរៀងរាល់ល្ងាចថ្ងៃព្រហស្បតិ៍ចាប់ពីម៉ោង ៦ ល្ងាចដល់ម៉ោង ៩យប់។

ម៉ឺនុយ

បន្ទប់ទទួលទានអាហារបែបឯកជន

បន្ទប់ទទួលទានអាហារនៅភោជនីយដ្ឋាន Cuts គឺជាបន្ទប់ ទទួលទានអាហារលក្ខណៈឯកជនដ៏ល្អប្រណីត និងពិសេសខុសប្លែកពីគេនៅទីក្រុងភ្នំពេញ។ បន្ទប់ទទួលទានអាហារនេះមានបំពាក់នូវបរិក្ខារគ្រប់គ្រាន់អមជាមួយនឹងការតុបតែងបែបសហសម័យ ការរចនា និងការរៀបចំតុយ៉ាងស្រស់ស្អាត ជាមួយនឹងផ្ទះបាយដែលបង្ហាញពីសិល្បៈទំនើប។

ម៉ោងបម្រើសេវា

អាហារថ្ងៃត្រង់៖

ថ្ងៃចន្ទ ដល់ថ្ងៃសុក្រ៖ ចាប់ពីម៉ោង ១២ ថ្ងៃត្រង់ដល់ម៉ោង ២:១៥ រសៀល

អាហារពេលល្ងាច៖

ជារៀងរាល់ថ្ងៃ ចាប់ពីម៉ោង ៦ ល្ងាចដល់ម៉ោង ១០:៣0 យប់ ទទួលការកុម្ម៉ង់ចុងក្រោយនៅម៉ោង ១0:១៥ យប់

ទំនាក់ទំនង

+៨៥៥ ២៣ ៩៣៦ ៨៦០ phnompenh.fnbreservation@rosewoodhotels.com

បុគ្គលិកផ្នែកស្រា និងអ្នកគ្រប់គ្រងភោជនីយដ្ឋាន CUTS កញ្ញា អេដែន ញាណ

កញ្ញា អេដែន ញាណ ត្រូវបានស្គាល់ថាជាអ្នកជំនាញផ្នែកស្រាឈានមុខគេប្រចាំប្រទេស កញ្ញាត្រូវបានណែនាំឱ្យស្គាល់ស្រាល្អៗជាច្រើនដែលផលិតនៅអឺរ៉ុបដែលជំរុញឱ្យកញ្ញាកាន់តែចូលចិត្ត និងយល់ដឹងកាន់តែច្បាស់អំពីស្រា។

ក្នុងនាមជាម្ចាស់ជ័យលាភីនៃការប្រកួតផ្នែកស្រាលើកដំបូងរបស់ប្រទេសកម្ពុជានៅក្នុងឆ្នាំ ២០១៣ កញ្ញារីករាយក្នុងការស្វែងរកអ្នកស្រាផលិតថ្មីនិងស្រាផ្តាច់មុខ និងណែនាំភ្ញៀវឱ្យបានស្គាល់អំពីស្រាទាំងនោះ។

បច្ចុប្បន្ននេះ កញ្ញាជាអ្នករៀបចំបន្ទប់ដាក់ស្រាដ៏ធំបំផុតនៅក្នុងប្រទេសកម្ពុជាដែលមានស្រាជាង ៣,000 ដប និង ២៧៩ ប្រភេទ។

អ្នកជំនាញផ្នែកកាត់សាច់

លោក DARIO COLOMA

មានដើមកំណើតមកពីប្រទេសហ្វីលីពីន មេចុងភៅផ្នែកកាត់សាច់ Dario បានចាប់ផ្តើមធ្វើការងារតាំងពីនៅវ័យក្មេង ហើយលោកក៏ធ្លាប់បានទទួលការបណ្ដុះបណ្ដាលផ្នែកកាត់សាច់ផងដែរ។

បន្ទាប់មកលោកត្រូវបានជ្រើសរើសឱ្យបម្រើការងារភ្លាមៗបន្ទាប់ពីបានសម្ភាសន៍ការងារជាមួយអ្នកជំនាញកាត់សាច់ជនជាតិអឺរ៉ុប ការងារនោះផ្តល់ជាបទពិសោធន៍ដែលធ្វើឱ្យគាត់កាន់តែរឹងមាំក្នុងនាមជាគ្រូបង្គោលនៅហាងលក់សាច់ដ៏ធំបំផុតមួយនៅក្នុងប្រទេសកំណើតរបស់លោក។ មេចុងភៅជំនាញកាត់សាច់ Dario បានរំឭកអំពីអតីតកាលរបស់លោក ហើយ បានលើកឡើងថា “ការធ្វើការងារជាមួយ និងការរៀនសូត្រអំពីវប្បធម៌ផ្សេងៗគ្នាគឺជាបទពិសោធន៍ដ៏អស្ចារ្យមួយ” ។

បច្ចុប្បន្ននេះ Dario ជ្រើសរើសយកតែសាច់ដែលមានគុណភាពខ្ពស់មកពីអ្នកផ្គត់ផ្គង់សាច់ដែលល្បីឈ្មោះនៅរដ្ឋ New South Wales ប្រទេសអូស្ត្រាលី និងកសិដ្ឋាន Snake River Farm នៅរដ្ឋ Idaho សហរដ្ឋអាមេរិក។

មេចុងភៅផ្នែកនំ

លោក DUSTIN BAXTER

តាំងពីរៀននៅវិទ្យាល័យ កិច្ចការដែលមេចុងភៅ Dustin ធ្វើប្រចាំថ្ងៃគឺពាក់ព័ន្ធនឹងការចម្អិនអាហារ និងផ្ដល់ភាពរីករាយដល់ភ្ញៀវតាមរយៈការបង្កប់ចំណូលចិត្ត និងភាពច្នៃប្រឌិតរបស់គាត់នៅក្នុងនំដែលគាត់បានចម្អិន។ ដោយសារចូលចិត្តការធ្វើដំណើរ លោកក៏សម្រេចចិត្តធ្វើការងារនៅតាមភោជនីយដ្ឋានល្បីៗនៅជុំវិញពិភពលោក។

បន្ទាប់ពីបានចូលបម្រើការងារផ្នែកចម្អិនអាហារនៅ សណ្ឋាគារ រ៉ូសវូដភ្នំពេញ លោកនៅតែបន្តខិតខំប្រឹងប្រែងអស់ពីកម្លាំងកាយចិត្ត ដើម្បីធ្វើនំដែលមានការរចនា និងរសជាតិខុសប្លែកពីគេ។

រាល់ការទទួលទានអាហាររបស់អ្នកនឹងបញ្ចប់ដោយរសជាតិដ៏ឆ្ងាញ់នៅពេលដែលលោកអ្នកបានទទួលទាននំដែលចម្អិនdយ៉ាងយកចិត្តទុកដាក់ដោយមេចុងភៅ Dustin។

Gallery